 Երկու հարյուր երիտասարդներ մայիսի 7-ին քայլերթով Ստեփանակերտից կշարժվեն Շուշի 7 մայիսի 2012 - 01:53 AMT PanARMENIAN.Net - Մայիսի 7-ին Արցախում տեղի կունենա երիտասարդության քայլերթ` նվիրված Շուշիի ազատագրման 20-ամյակին: Մոտ 200 երիտասարդներ՝ Արցախի երիտասարդական և ուսանողական միություններից, ՊԲ զինծառայողներ, կամավորականներ և վիրահայ երիտասարդներ քայլերթով Ստեփանակերտից կշարժվեն Շուշի: Ակցիայի մասնակիցների հետ հանդիպել են ԼՂՀ մշակույթի և երիտասարդության հարցերի նախարար Նարինե Աղաբալյանը, փոխնախարար Գայանե Գրիգորյանը և ԼՂ ինքնապաշտպանական ուժերի առաջին հրամանատար Արկադի Կարապետյանը: Ինչպես ասել է Նարինե Աղաբալյանը, արշավը կօգնի երիտասարդներին հաղթանակն ավելի շոշափելի զգալ և հասկանալ, թե ինչ ոգի էր պետք այն ապահովելու համար: Արկադի Կարապետյանն իր հերթին արշավի մասնակիցներին պատմել է «Հարսանիք լեռներում» օպերացիայի մասին ու վստահեցրել, որ հաղթել հաջողվել է ոգու ու կազմակերպվածության շնորհիվ: Գայանե Գրիգորյանի խոսքով` Երիտասարդները կբաժանվեն երեք խմբերի և կշարժվեն դեպի Շուշի այն երեք ուղղություններով (արևելյան ուղղություն` Շոշ-Շուշի, կենտրոնական ուղղություն` Ստեփանակերտ-Շուշի մայրուղի և արևմտյան ուղղություն` նախկին Կրկժան-Շուշի), որով 1992թ. ազատագրվել է բերդաքաղաքը: Գրիգորյանը նշել է, որ ամեն մի խումբ կտանի դրոշի մեկ գույնի պաստառ, որոնք կմիացվեն Շուշիի Վազգեն Սարգսյանի հրապարակում: Այնտեղից մասնակիցները կշարժվեն դեպի Ղազանչեցոց Սուրբ Ամենափրկիչ եկեղեցի, որից հետո էլ Ջդրդուզ կոչվող տեղամաս, որտեղ տոնական ճաշկերույթ կկազմակերպվի: Գրիգորյանը հաղորդել է նաև, որ մասնակիցների անվտանգությունն ապահովելու համար յուրաքանչյուր խմբին կուղեկցեն փրկարար ծառայության և շտապօգնության աշխատակիցները:
  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
