Սարաևոյում շարունակվում է “Բոսնա-2012” 42-րդ միջազգային մրցաշարը, որին մասնակցում է նաև գրոսմայստեր Հրանտ Մելքումյանը:

Երեք տուրից հետո հայ շախմատիստը վաստակել է երեք միավոր և գլխավորում է մրցաշարային աղյուսակը: Նույնքան միավոր ունի նաև Ալեքսանդր Կովաչևիչը (Սերբիա) և ընթանում է երկրորդ հորիզոնականում:

4-րդ տուրում Մելքումյանի մրցակիցը կլինի հենց Կովաչևիչը:

2011 թվականին այսմրցաշարում հայ շախմատիստը զբաղեցրել էր 2-րդ տեղը, իսկ մրցաշարի հաղթող էր դարձել Բաադուր Ջոբավան (Վրաստան):