Գործող նախագահ Նիկոլյա Սարկոզիից նորընտիր նախագահ Ֆրանսուա Օլանդին իշխանությունը փոխանցելու արարողությունը կկայանա Ֆրանսիայում մայիսի 15-ին, երկուշաբթի օրը հաղորդում է Ֆրանս Փրես գործակալությունը:
Գործակալության տվյալներով, արարողության անցկացման ամսաթվի շուրջ հեռախոսազրույցների ընթացքում պայմանավորվածության են հանգել Ելիսեյան պալատի գլխավոր քարտուղար Քսավյե Մուսկան և Օլանդի նախընտրական քարոզարշավի տնօրեն Պյեր Մոսկովիչին:
Օլանդը Ֆրանսիայի նախագահի ընտրություններում ստացել է ընտրողների ձայների 51,62 տոկոսը, որոնք տեղի են ունեցել մայիսի 6-ին: Սարկոզին հավաքել է ձայների 48,38 տոկոսը: Ընտրողների մասնակցությունն ընտրություններին կազմել է 80,34 տոկոս: