  Հաղթանակի օրվա և Շուշիի ազատագրման 20-ամյակի կապակցությամբ Արցախի նախագահը պարգևատրել է հայրենիքի պաշտպաններին 7 մայիսի 2012 - 21:51 AMT PanARMENIAN.Net - Հաղթանակի օրվա, ԼՂՀ բանակի և Շուշիի ազատագրման 20-ամյա տարելիցի կապակցությամբ Արցախի նախագահը ստորագրել է պարգևատրման մասին մի շարք հրամաններ: Հայրենիքի պաշտպանության գործում ցուցաբերած բացառիկ քաջության և անձնական արիության համար «Մարտական խաչ» 1-ին աստիճանի շքանշանով պարգևատրվել են 2 հոգի, «Մարտական խաչ» 2-րդ աստիճանի շքանշանով` 3 հոգի: Հայրենիքի պաշտպանության համար մղված մարտերում ցուցաբերած անձնական արիության համար «Արիության համար»մեդալով պարգևատրվել են 42 հոգի, որից 18-ը` հետմահու: Մարտական առաջադրանքների կատարմանը նպաստող հմուտ, համարձակ գործողությունների, զորքերի մարտականպատրաստվածության ապահովման, երկրի սահմանները պաշտպանելիս ցուցաբերած արիության համար «Մարտական ծառայություն» մեդալով պարգևատրվել են 620 հոգի, որից 20-ը` հետմահու: Շուշի քաղաքի ազատագրման համար մղված մարտերում ցուցաբերած անձնական խիզախության համար «Շուշիի ազատագրման համար» մեդալով պարգևատրվել են 57 հոգի, որից 8-ը` հետմահու: «Մեսրոպ Մաշտոց» շքանշանով պարգեւատրվել են 2 հոգի, «Վաչագան Բարեպաշտ» մեդալով` 4 հոգի, «Երախտագիտություն» մեդալով` 12 հոգի և «Հովարդ Կարագյոզյան» բժշկական բարեգործական հասարակական կազմակերպությունը (ԱՄՆ): Ֆիզիկական կուլտուրայի և սպորտի զարգացման գործում ունեցած վաստակի համար ԼՂՀ ֆիզիկական կուլտուրայի վաստակավոր աշխատողի պատվավոր կոչում է շնորհվել 1 հոգու: Նույն օրը Նախագահը ստորագրել է նաև կարգադրություն 5 ազատամարտիկի ՎԱԶ-2115 մակնիշի ավտոմեքենաներ պարգևելու մասին: Երկրի ղեկավարը ստորագրել էր նաև կարգադրություն մի խումբ Հայրենական մեծ պատերազմի վետերանների, Պաշտպանության բանակի զինծառայողների, Արցախի ազատամարտիկների, զոհված և անհայտ կորած ազատամարտիկների հարազատների, ընդհանուր թվով 200 հոգու, արժեքավոր նվերներ հանձնելու մասին:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Սյուժեներ Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
