Ընդդիմադիր ՀԱԿ-ը այլևս երբեք չի կարողանա հետ բերել իր նախկին ազդեցությունը: Այս մասին Երևանում կայացած մամլո ասուլիսի ժամանակ հայտարարել է քաղաքական տեխնոլոգ Կարեն Քոչարյանը:
Անդրադառնալով առաջիկա նախագահական ընտրություններին՝ նա կասկած է հայտնել Լևոն Տեր-Պետրոսյանի հաղթանակի առնչությամբ, հեգնանքով նկատելով, որ մայիսի 6-ի խորհրդարանական ընտրությունները Լևոն Տեր-Պետրոսյանի «կարապի երգն էր»: Ըստ նրա, Տեր-Պետրոսյանն ավելի լավ է առհասարակ չմասնակցի նախագահական ընտրություններին:
Քոչարյանը կարծում է, որ արմատական ընդդիմության թափուր տեղը Հայաստանում կզբաղեցնեն նոր ուժեր: Ընդ որում, նա չի բացառել, որ դա կարող են անել ՀԱԿ-ի ներկայացուցիչները: