2012-ի լոնդոնյան Օլիմպիադայի կազմկոմիտեի ղեկավար լորդ Սեբաստիան Կոուն խոստացել է պահպանել օլիմպիական կրակը և նրա բրիտանական էստաֆետը դարձնել ողջ աշխարհի հույսերի մարմնավորում:
«Մենք խոստանում ենք պահպանել կրակը, հարգել նրա ավանդույթները և անցկացնել փոխանցավազք, որով մենք բոլորս կկարողանանք հպարտանալ և որը կարող է ոգեշնչել մարդկանց մի ողջ սերունդ»,- ասել է Կոուն:
Միջազգային օլիմպիական կոմիտեի նախագահ Ժակ Ռոգեն, իր հերթին, նշել է, որ Միացյալ Թագավորությունում օլիմպիական ջահի ճանապարհորդության ընթացքում այն մարմնավորելու է ողջ Երկրի ժողովուրդների հույսերը և ոգեշնչումը:
Հին Օլիմպիայի քաղաքապետ Էֆտիմիոս Կոդզասը հիշեցրել է անտիկ օլիմպիադաների պատմության մասին, որոնք անցկացվել են գրեթե 1200 տարի և ժամանակակից տեսքով վերածնվել են 1896-ին, պահպանելով մի քանի կարևոր ավանդույթներ, ներառյալ օլիմպիական հաշտությունը, հաղորդում է sport.ru-ն:
Մայիսի 10-ին Հունաստանում վառվել է օլիմպիական կրակը, որը 8 օր անցնելու է հունական քաղաքներով և մայիսի 17-ին Աթենքում հանձնվելու է Լոնդոնում խաղերի կազմակերպիչներին: