Լավրով. Ռուսաստանը մտադիր չէ փոխել իր դիրքորոշումը Սիրիայի վերաբերյալ, չնայած արտաքին ճնշմանը
Ռուսաստանը մտադիր չէ փոխել իր դիրքորոշումը Սիրիայի վերաբերյալ, չնայած արտաքին ճնշմանը, հինգշաբթի օրը հայտնել է Ռուսաստանի արտաքին գործերի նախարարի պաշտոնակատար Սերգեյ Լավրովը:
«Կան մարդիկ, ովքեր ուզում են ճնշում գործադրել մեզ վրա, որպեսզի մեր դիրքորոշումը փոխվի: Մենք չենք ենթարկվի այդ ճնշմանը»,- հայտնել է Լավրովը, որը ելույթ է ունեցել Պեկինում իր չինական պաշտոնակից Յան Ցզեչիի հետ բանակցությունների ամփոփիչ մամլո ասուլիսի ժամանակ:
Նա չի բացառել նաև, որ Սիրիայում տեղ գտած պայթյունները կարող էին կազմակերպված լինել արտասահմանի մասնակցությամբ այդ մերձավորարևելյան երկրում իրադրությունն ապակայունացնելու համար:
