EURO-2012-ի ուկրաինական մարզադաշտերը մայիսի 11-ից անցնում են ՈւԵՖԱ-ի կառավարմանը: Մարզադաշտերում կամ դրանց շուրջ ստեղծվելու են հյուրընկալության, կամավորական, հավաստագրման գոտիներ և բժշկական կենտրոններ:
Մրցաշարի տնօրեն Մարտին Կալլենի խոսքով, պայմանագրի համաձայն մարզադաշտերում պետք է դադարեցվեն բոլոր միջոցառումները, այդ թվում նախագահական օթյակում:
«Այդ շրջանում՝ մրցաշարի մեկնարկից մեկ ամիս առաջ, միության մասնագետները պետք է պատրաստեն մարզադաշտը խաղերին: Մայիսի 9-ից հունիսի 8-ը յուրաքանչյուր մարզադաշտում պետք է տեղադրվեն լրացուցիչ օբյեկտներ, գովազդային պաստառներ: Կառուցվելու են բժշկական կենտրոններ և տրիբունաներ ԶԼՄ-ների աշխատանքի համար: Հատուկ ուշադրություն է դարձվելու խոտածածկին, որպեսզի այն համապատասխանի բարձրագույն որակի առաջնության ժամանակ: Պայմանագիրը նախատեսում է, որ ՈւԵՖԱ-ն վճարելու է մարզադաշտերին վարձակալության վճար օգտագործման այդ շրջանում»,- նշել է Կալլենը:
