Բրիտանացիները գնել են Լոնդոնի Օլիմպիական խաղերի տոմսերի 75 տոկոսը
Բրիտանացիները գնել են Լոնդոնի Օլիմպիական խաղերի տոմսերի 75 տոկոսը, այս մասին հաղորդել է խաղերի կազմկոմիտեի նախագահ Սեբ Կոին:
Նա ընդգծել է, որ ինքը, որպես սպորտային խաղերի սիրահար, ցավում է բոլոր նրանց համար, ովքեր չեն կարողացել ձեռք բերել տոմսեր: «Սպորտային մրցույթների պատմության մեջ չեն եղել տոմսեր, որոնք այսքան յուրօրինակ պահանջարկ ունենային»,-ընդգծել է նա:
Բացի այդ, նա ընդգծել է, որ կազմակերպիչները հասել են իրենց առջև դրված բոլոր նպատակներին` մարզադաշտերը լիքը կլինեն, տոմսերը կվաճառվեն մատչելի գներով և ծրագրված հասույթը ևս ստացվել է:
