Կոսովոյում ՄԱԿ առաքելության ղեկավար Ֆարիդ Զարիֆը հայտարարել է, որ իրավիճակը տարածաշրջանում բարելավվել է, թեև խնդիրներ դեռևս կան, առաջին հերթին անվտանգության ոլորտում: Ֆարիդ Զարիֆը երկուշաբթի հանդես է եկել ՄԱԿ ԱԽ անդամների առջև: Նա նշել է, որ հաջող ընտրությունները Սերբիայում և Կոսովոյում, ինչպես նաև ԵՄ հետ Սերբիայի հետագա մերձեցմանն ուղղված մի շարք քայլերը նպաստեցին լարվածության նվազմանը Կոսովոյում:
Միևնույն ժամանակ, ըստ Զարիֆի, իրավիճակը հեռու է կայունից՝ առաջին հերթին Կոսովոյի հյուսիսում, որտեղ բնակվում է սերբական փոքրամասնությունը: Սերբիայի ԱԳ նախարար Վուկ Երեմիչը հայտարարել է, որ Կոսովոյի սերբերը հետապնդումների են ենթարկվում: Իսկ Կոսովոյի նրա պաշտոնակիցը, հակառակը, հայտարարել է, թե Կոսովոյում ձգտում են քաղաքացիների իրավահավասարության: