«Ռոսնանոյի» բրիտանական գործընկեր Plastic Logic ընկերությունը ներկայացրել է գունավոր ճկուն էկրանի նախատիպը: Այն կարելի է ծռել, ծալել և անգամ կտրել` առանց պատկերն աղավաղելու:
Էկրանի ճկունությունը բացատրվում է պոլիմերային հիմքով: Էկրանի կառուցվածքում օգտագործվում է 1.2 մլն տրանզիստոր և պլաստիկ, այլ ոչ թե ապակե ներդիր: Համանման կառուցվածք ունեն նաև հատուկ դպրոցական պլանշետները:
Ընկերության գիտական ղեկավար Մայք Բեննեկը հայտարարել է, որ սարքը վաճառքում կհայտնվի մեկ տարվա ընթացքում: