«Հայացքը» գրում է, որ մի քանի օրից աշխատանքից կազատվի Քանաքեռ-Զեյթուն վարչական շրջանի ղեկավար Արայիկ Քոթանջյանը, որը նաև այս տարածքի ՀՀԿ պատասխանատուն է: «Իշխանությունը նրա նախընտրական աշխատանքն անբավարար է գնահատում: Երեք օր առաջ «Օջախ» ռեստորանում այս համայնքի ՀՀԿ ակտիվը ընտրություններում հաղթանակ տանելու առթիվ քեֆ էր անում: Ներկա էր նաև ՀՀ նախագահը, բնականաբար նաև՝ այս տարածքից պատգամավոր ընտրված ՀՀԿ ներկայացուցիչը:
Շատերի համար անակնկալ էր այս տարածքի կուսակցության ղեկավար ու թաղապետ Արայիկ Քոթանջյանի բացակայությունը: Նրան չէին հրավիրել: Մոտ օրերս Քոթանջյանը պաշտոնանկ կարվի»«- գրում է թերթը: