Գալուստ Սահակյանը կողմ է կոալիցիային միայն այն ուժերի հետ, որոնք սեփական թեկնածու չեն ունենա ընտրություններում18 մայիսի 2012 - 17:16 AMT PanARMENIAN.Net - ՀՀԿ փոխնախագահ Գալուստ Սահակյանը մեկնաբանել է այլ քաղաքական ուժերի հետ ՀՀԿ կոալիցիայի հնարավորությունը: «Շատ ճիշտ կլինի, եթե քաղաքական կոալիցիան շարունակի իր գործունեությունը: Դա իմ անձնական կարծիքն է»,-հայտարարել է նա Երևանում կայացած մամլո ասուլիսում: Ըստ Սահակյանի, ՀՀԿ-ն կողմ է, որ երկրի առջև ծառացած խնդիրները համատեղ լուծվեն, որպեսզի համատեղ ջանքերով հնարավոր լինի իրականացնել այն ծրագրերն ու խոստումները, որոնք տվել են ընտրություններից առաջ: Նա հիշեցրեց, որ նաև 2007թ. ընտրություններից հետո էլ ՀՀԿ-ն գնաց կոալիցիայի ստեղծմանը, թեև մեծամասնություն ուներ խորհրդարանում: «Մեր քաղաքական սկզբունքն է, որ բոլոր այն քաղաքական ուժերը, որոնք ստացել են ժողովրդի վստահության քվեն, շանս ստանան կատարելու իրենց խոստումները»,-նշել է նա: Սահակյանը նշել է, որ ՀՀԿ-ն արտահայտել է իր դիրքորոշումը կոալիցիայի հարցում և ակնկալում է մյուս քաղաքական ուժերի որոշումը: ՀՀԿ փոխնախագահը նշել է, որ կուսակցությունը ծրագիր ունի առաջիկա 5 տարվա համար և դրանք կախված են 2013թ. նախագահական ընտրություններից: Ըստ նրա, կոալիցիան ձևական կլինի այն ուժերի հետ, որոնք հետո կհայտարարեն, որ ինքնուրույն են գնում նախագահական ընտրությունների: «Այնպես չի լինի, որ 3-4 ուժ միավորվեն, հետո ասեն,թե ամեն մեկն ինքնուրույն է գնում նախագահական ընտրությունների»,-ասել է նա: Մայիսի 6-ին Հայաստանում տեղի են ունեցել խորհրդարանական ընտրություններ: Համաձայն բոլոր 1982 ընտրատեղամասերի քվեաթերթիկների մշակման արդյունքում ստացած տվյալների` կուսակցություններն ու բլոկը դասավորվել են հետևյալ կարգով. Հայաստանի Հանրապետական կուսակցություն (ՀՀԿ)` 663 066 (44,05 %) «Բարգավաճ Հայաստան» կուսակցություն (ԲՀԿ)` 454 684 (30,20 %) Ժառանգություն»` 87 095 (5,79 %) Հայ ազգային կոնգրես (ՀԱԿ) ` 106 910 (7,10 %) «Հայ Յեղափոխական Դաշնակցություն» կուսակցություն (ՀՅԴ)` 86 296 (5,73 %), «Օրինաց երկիր» կուսակցություն (ՕԵԿ)` 82 690 (5,49 %) Հայաստանի Դեմոկրատական կուսակցություն (ՀԴԿ)` 5 633 (0,37 %) Հայաստանի Կոմունիստական կուսակցություն` 15 933 (1,06 %) «Միավորված հայեր» կուսակցություն` 3 080 (0,20 %): ՀՀԿ-ն ընտրությունների արդյունքում 131 տեղ ունեցող Ազգային ժողովում ստացել է տեղերի բացարձակ մեծամասնությունը` 69 տեղ (40 համամասնական և 29 մեծամասնական քվեարկության արդյունքում): «Բարգավաճ Հայաստանը» ստացել է 37 տեղ (28 համամասնական և 9 մեծամասնական), ՀԱԿ-ը` 7 տեղ: Դաշնակցությունն ու «Օրինաց երկիրը»` 6-ական (5-ական համամասնական և 1-ական մեծամասնական), իսկ «Ժառանգությունը»` 5: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |