Գերմանիայից հրավիրված պլաստիկ վիրաբույժը երեկ բարեհաջող վիրահատել է մայիսի 4-ին Հանրապետության հրապարակում փուչիկների բռնկման հետևանքով տուժած 2 հոգու, իսկ այսօր կվիրահատի ևս 2 հոգու: Այս մասին PanARMENIAN.Net-ի թղթակցին ասաց առողջապահության նախարարության մամուլի պատասխանատու Շուշան Հունանյանը:
Նա նշեց, որ այս պահին մայրաքաղաքի հիվանդանոցներում շարունակում են բուժում ստանալ 41 հոգի, վերակենդանացման բաժանմունքներում այլևս մարդիկ չկան:
Հայաստանի նախագահ Սերժ Սարգսյանի հանձնարարությամբ Հայաստան էր հրավիրվել Գերմանիայի Հեյդելբերգ քաղաքի Համալսարանական կլինիկայի պլաստիկ, վերականգնողական վիրաբուժության և այրվածքների կենտրոնի պրոֆեսոր Ադրիան Դայգլերը:
Մայիսի 4-ին ՀՀԿ նախընտրական համերգի ընթացքում փուչիկների բռնկման հետևանքով տուժել էր 150 –ից ավելի մարդ:
