«Հրապարակ». Մշակույթի նախարարության քվոտան ՀՀԿ-ից ԲՀԿ-ին չի անցնի
«Հրապարակը» գրում է, որ չնայած պնդումներին, որ մշակույթի նախարարության քվոտան ՀՀԿ-ից կանցնի ԲՀԿ-ին, ամենևին էլ այդպես չէ: «Ոչ այն պատճառով, որ Հասմիկ Պողոսյանը ԲՀԿ-ի համամասնական ցուցակի չորրորդ հորիզոնականն զբաղեցնող Գուրգեն Արսենյանի ՄԱԿ-ից է ժառանգություն մնացել ՀՀԿ-ին: Սերժ Սարգսյանը ՀՀԿ ԳՄ-ում օրերս ասել է. ի՞նչ է նշանակում մշակույթի նախարարությունը տալիս ենք ԲՀԿ-ին, նախարարը հո չի՞ մեռել, որ տանք-չտանք, չկա նման բան: Հիշեցնենք, որ Հասմիկ Պողոսյանն օրերս մահացած Ստեփան Պողոսյանի դուստրն է, և դա է միակ ու եզակի պատճառը նրա երկարակեցության: Սերժ Սարգսյանը, հիշենք, համարվում է Ալեքսեյ Մատվեյիչի և Ստեփան Կարպիչի հոգեզավակը, և Բժեժինսկուց առաջ նրանց «տախտակի» վրա է քաղաքական շախմատ խաղալ սովորել»,- գրում է թերթը:
