Փորձագետ. Ծիծաղելի են Բաքվի պնդումները, թե Իրանի հետ հարաբերությունների սառեցման հետևում Հայաստանն է կանգած

Փորձագետ. Ծիծաղելի են Բաքվի պնդումները, թե Իրանի հետ հարաբերությունների սառեցման հետևում Հայաստանն է կանգած

PanARMENIAN.Net - Ադրբեջանը հարևան գրեթե բոլոր պետությունների հետ դիմակայություն ունի և դրանք պոտենցիալ պատերազմի սպառնալիքներ են։ Լրագրողների հետ հանդիպմանն այսօր այս մասին ասել է ռազմական փորձագետ Արծրուն Հովհաննիսյանը`հավելելով, որ բացառվում է միայն Ռուսաստանի հետ պատերազմը։

«Իսկ Վրաստանի, Թուրքմենստանի և Իրանի հետ համապատասխան շատ փոքր զարգացումների արդյուքնում, տարաձայնությունները կարող են վերածվել պատերազմի, որովհետև Արդբեջանը ստեղծել է նման լարված իրավիճակ: Դա վկայում է այն մասին, որ այս դեպքում չկա կայացած պետություն, կան ներքին և արտաքին լուրջ խնդիրներ»,–ասաց փորձագետը։

Հովհաննիսյանի խոսքով, հատկապես սրված են Ադրբեջանի հարաբերությունները Թուրքմենստանի հետ։ «Թուրքմենստանի խնդիրն առանձնահատուկ է մնացած խնդիրների համեմատ, քանի որ Ադրբեջանի հիմնական սնուցման աղբյուրը նավթն է, որն էլ պահպանում է պետության գոյությունը և քանի որ այդ սնուցման աղբյուրի հետ կապված խնդիր կա, ուրեմն այն դառնում է առաջնային»,–ասաց փորձագետը` հավելելով, որ Ադրբեջանն այսօր նավթը Թուրքմենստանի հետ կիսելու խնդիր ունի, որի լուծումը Արդբեջանի համար առաջնային է։

Արծրուն Հովհաննիսյանի պնդմամբ, մեզ համար կարևոր է համաշխարհային հանրությանը ցույց տալ, որ արցախյան հիմնախնդիրն առանձին որպես այդպիսի գոյություն չունի և կա հակամարտությունների կոմպլեքս. պարզապես Խորհրդային Միության փլուզման ժամանակ մնացած կոնֆլիկտները չեն ստացել զարգացում։

Փորձագետը ծիծաղելի է համարում նաև Ադրբեջանի այն հայտարարությունները, թե Իրանի հետ հարաբերությունների սառեցման հետևում Հայաստանն է կանգած։

 Ուշագրավ
«Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա
Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով
Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը
---