Բեռնար Ֆուրնիեն հուսով է, որ Ֆրանսիայում Հայոց ցեղասպանության քրեականացման շուրջ համաձայնության կգան26 մայիսի 2012 - 19:00 AMT PanARMENIAN.Net - Ֆրանսիայի Սենատի անդամ Բեռնար Ֆուրնիեն մեկնաբանել է Ֆրանսիայում Հայոց ցեղասպանության ժխտումը քրեականացնող նոր օրինագծի ընդունման հնարավորությունը: Նա նշել է, որ Ֆրանսիայի նոր նախագահ Ֆրանսուա Օլլանդը նույնպես մտադիր է խորհրդարանին Հայոց ցեղասպանության ժխտումը քրեականացնող նոր օրինագիծ առաջարկել: «Եվ մենք, լինելով Հայաստանի բարեկամը, շատ ուրախ կլինենք Ֆրանսիայում այդ հարցի շուրջ համաձայնությանը»: Սենատոր Ֆիլիպ Մարինին իր հերթին կիսվել է իր տպավորություններով Հայոց ցեղասպանության զոհերի հուշահամալիր Ծիծեռնակաբերդից և Հայոց ցեղասպանության թանգարանից: «Առավոտյան մենք հարգանքի տուրք մատուցեցինք Հայոց ցեղասպանության` XX դարի առաջին ցեղասպանության անթիվ զոհերի հիշատակին: Այդ ցեղասպանությունը XX դարի բոլոր աղետների սկիզբն է դրել»,- նշել է նա: Մարինիի խոսքով` ինքը և իր գործընկերները մինչ այդ էլ գիտեին հայ ժողովրդին բաժին ընկած ողբերգության մասին, բայց այսօրվա այցելությունը Ցեղասպանության թանգարան նրանց թույլ տվեց ծանոթանալ մանրամասներին, խորացնել իրենց գիտելիքներն այդ հարցի վերաբերյալ: Նա ընդգծել է, որ իրենք մեծ հուզմունք են ապրել հուշահամալիր այցելության ժամանակ: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Ֆրանսիայի Սահմանադրական խորհուրդը փետրվարի 28-ի նիստում ոչ սահմանադրական է ճանաչել այդ օրինագիծը և իր որոշումը հիմնավորել է նրանով, որ օրենքը «հակասում է Ֆրանսիայի Սահմանադրության 33-րդ հոդվածին խոսքի ազատության մասին»:
Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գիշերը բողոքի ակցիայի 5 մասնակից է ձերբակալվել Նրանք, ըստ իրավապաշտպանի, «Տավուշը հանուն հայրենիքի» շարժման ակտիվ աջակիցներ են Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը |