Հայաստանում հեռուստասերիալները ճիշտ չեն նկարահանվում, լրագրողների հետ հանդիպման ժամանակ ասաց ամերիկաբնակ պրոդյուսեր Արա Ղազարյանը: Նա լրագրողներին ներկայացրեց ԱՄՆ-ում նկարահանվող այնպես կոչված Soap Opera-ները, որոնք հեռուստաեթեր են գնում շաբաթական հինգ օր:
Պրոդյուսերի խոսքով, ԱՄՆ-ում դրանց վրա չեն ծախսվում մեծ գումարներ, նկարահանվում են փոքրիկ ստուդիաներում, երբեմն ցույց են տալիս քաղաքի տեսարաններ: Այնինչ, Արայի խոսքով, Հայաստանում սերիալ նկարահանելիս ձգտում են լուրջ գեղարվեստական լուծումների, դրամատիզմի, բացօթյա տեսարանների, ինչի արդյունքում դժվար է լինում որակ ապահովել: