Սիրիայում ազատ են արձակվել 500 ընդդիմադիրներ
Սիրիայի կառավարությունն ազատ է արձակել 500 բանտարկյալների, որոնք կասկածվում էին երկրում ավելի քան 1 տարի շարունակվող անկարգություններին մասնակցելու մեջ: Այդ մասին այսօր հաղորդում է ԻՏԱՐ-ՏԱՍՍ-ը` հղելով սիրիական ԶԼՄ-ներին: «500 հոգի, որոնք մասնակցում էին երկրում տեղի ունեցող իրադարձություններին, որոնց ձեռքերը, սակայն, արյունոտ չեն, ազատ են արձակվել»,-հաղորդում է պետական հեռուստաալիքը:
Հատկանշական է, որ հակակառավարական ցույցերի մասնակիցներն ազատ են արձակվել Քոֆի Աննանի Դամասկոս կատարած այցից մի քանի օր անց: Դամասկոսում Աննանը բանակցություններ է վարել երկրի նախագահ Բաշար Ասադի հետ, որի ընթացքում Աննանը կողմ է հանդես եկել ձերբակալվածներին ազատ արձակելուն:
