Նորընտիր` 5-րդ գումարման ԱԺ-ում ՀՅԴ խմբակցությունը կղեկավարի Արմեն Ռուստամյանը, կուսակցության քարտուղարը կլինի Աղվան Վարդանյանը:

Նախորդ` 4-րդ գումարման ԱԺ–ում ՀՅԴ խմբակցությունը ղեկավարում էր Վահան Հովհաննիսյանը, քարտուղարի պաշտոնը՝ Արտյուշա Շահբազյանը, նա այժմյան խորհրդարանում մանդատ չունի։

Մայիսի 6-ին Հայաստանում տեղի ունեցած խորհրդարանական ընտրությունների արդյունքում ձայները բաշխվել են հետևյալ կերպ. Հայաստանի Հանրապետական կուսակցություն (ՀՀԿ)` 663 066 (44,05 %), «Բարգավաճ Հայաստան» կուսակցություն (ԲՀԿ)` 454 684 (30,20 %), Ժառանգություն»` 87 095 (5,79 %), Հայ ազգային կոնգրես (ՀԱԿ) ` 106 910 (7,10 %), «Հայ Յեղափոխական Դաշնակցություն» կուսակցություն (ՀՅԴ)` 86 296 (5,73 %), «Օրինաց երկիր» կուսակցություն (ՕԵԿ)` 82 690 (5,49 %), Հայաստանի Դեմոկրատական կուսակցություն (ՀԴԿ)` 5 633 (0,37 %), Հայաստանի Կոմունիստական կուսակցություն` 15 933 (1,06 %), «Միավորված հայեր» կուսակցություն` 3 080 (0,20 %):

ՀՀԿ-ն ընտրությունների արդյունքում 131 տեղ ունեցող Ազգային ժողովում ստացել է տեղերի բացարձակ մեծամասնությունը` 70 տեղ (40 համամասնական և 29 մեծամասնական քվեարկության արդյունքում): «Բարգավաճ Հայաստանը» ստացել է 37 տեղ (28 համամասնական և 9 մեծամասնական), ՀԱԿ-ը` 7 տեղ: Դաշնակցությունը 5 տեղ ու «Օրինաց երկիրը»` 6 (5-ական համամասնական և 1-ական մեծամասնական), իսկ «Ժառանգությունը»` 5: