«Ժողովուրդ». ԱԺ–ի «գոլդ» սենյակներն արդեն զբաղեցրած են
«Ժողովուրդ» թերթը գրում է, որ Ազգային ժողովում դեռևս սենյակ չի առանձնացվել Հայ ազգային կոնգրես ընդդիմադիր խմբակցության ու նրա պատգամավորների համար։
«Երեկ ԱԺ նախկին պատգամավորների աշխատասենյակների դռներից անհետացել են ցուցատախտակները, բայց նորերը դեռ չեն փակցվել ։ Ուշագրավն այն է, որ նախօրեին` ԱԺ առաջին նիստի ժամանակ, իշխանական պատգամավորները փորձում էին լեզու գտնել ԱԺ գործերի կառավարիչ Հմայակ Մկրտչյանի` Համիկի հետ` խնդրելով իրենց մի լավ աշխատասենյակ հատկացնել։ Հատկապես նոր պատգամավորները դժգոհում են, որ ԱԺ–ում «դեմբելական» կարգեր են հաստատված, և հին պատգամավորներն արդեն զբաղեցրել են «գոլդ» սենյակները»,–գրում է օրաթերթը։
