Երեխաների պաշտպանության միջազգային օրվան նվիրված միջոցառումների շրջանակում Ուկրաինայի Հայերի միության ներկայացուցիչները այցելել են Նիկոպոլի, Լյուբոտինի և Թեոդոսիայի մանկատները, որտեղ կան նաև հայ երեխաներ, հաղորդում է Analitika.at.ua-ն:

Մանկատներ կատարած այցը վերածվել է իսկական տոնի ոչ միայն այնտեղի սաների, այլև հայկական սփյուռքի ներկայացուցիչների համար:

Նշենք, որ Ուկրաինայի Հայերի միությունը օգնություն է ցուցաբերում այն մանկատներին, որոնց սաների թվում կան հայեր:

Ինչպես հաղորդել է Վիգեն Շատվորյանը, «երեխաների համար համապատասխան պայմանների ստեղծումը, կարևորագույն խնդիր է Ուկրաինայի հայկական սփյուռքի համար: Մենք կանենք ամեն բան, որպեսզի մանկատան սաները զգան իրենց հայրենակիցների աջակցությունը»: