  Կիրակոսյան. Ի պատասխան Ադրբեջանի վերջին սադրանքներին` ԼՂՀ-ն կարող է բանակցությունների լիիրավ կողմ դառնալ  8 հունիսի 2012 - 16:10 AMTPanARMENIAN.Net - Ի պատասխան շփման գծում Ադրբեջանի վերջին գործողություններին` ԵԱՀԿ Մինսկի խմբի միջնորդ երկրները կարող են փոխել բանակցությունների ձևաչափը, որոնցում ԼՂՀ-ն բանակցությունների լիիրավ անդամ կդառնա: Այդ մասին Երևանում կայացած մամլո ասուլիսում հայտնել է Տարածաշրջանային հետազոտությունների կենտրոնի տնօրեն Ռիչարդ Կիրակոսյանը: «Մենք հետաքրքիր զարգացումներ կտեսնենք Փարիզում: ԱՄՆ պետքարտուղարը հաղորդել է, որ նոր առաջարկներ և նոր ձևաչափ կլինեն: Այդ առաջարկները Փարիզում կկատարվեն հիմնականում ԵԱՀԿ Մինսկի խմբի գործունեության խթանման համար»,- նշել է նա: Փորձագետի խոսքով` առայժմ ոչ ոք չգիտի` ինչ առաջարկներ են ներկայացվելու հակամարտության կողմերին, «բայց ես կարծում եմ, որ պետքարտուղարը երբեք դա չէր ասի, եթե չհամաձայնեցներ Ֆրանսիայի և Ռուսաստանի հետ»: «Ես ենթադրում եմ, որ դա կլինի բանակցությունների նոր ձևաչափ, որտեղ Լեռնային Ղարաբաղը բանակցությունների լիիրավ անդամ կլինի»,- հավելել է նա: Կիրակոսյանի խոսքով` նման քայլի անհրաժեշտության մասին խոսում է ինչպես տրամաբանությունը, այնպես էլ Հյուսիսային Իռլանդիայում և Պաղեստինում հակամարտությունների կարգավորման շուրջ բանակցությունների փորձը, որոնք ապացուցում են, որ առանց բանակցություններին հակամարտության բոլոր կողմերի մասնակցության չի կարելի համաձայնության հասնել: Կիրակոսյանը մերժել է ԼՂՀ ընդգրկումը բանակցությունների մեջ Հայաստանի փոխարեն` ընդգծելով, որ Հայաստանը միշտ կարևոր դեր է խաղալու բանակցային գործընթացում: Նա նաև քննադատության է ենթարկել Հայաստանի երկրորդ նախագահ Ռոբերտ Քոչարյանի որոշումը` Ադրբեջանի հետ բանակցությունները շարունակել առանց ԼՂՀ-ի: Նրա խոսքով` «դա մարտավարական հաղթանակ էր, բայց ռազմավարական պարտություն»:  Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
