Տիգրան Պետրոսյանը շարունակում է լինել Բուլղարիայում անցկացվող միջազգային մրցաշարի առաջատարը
Գրոսմայստեր Տիգրան Պետրոսյանը Բուլղարիայի Ոսկե Ավազներ առողջավայրում անցկացվող օփենում հինգ տուրից հետո վաստակել է 4,5 միավոր և շարունակում է գլխավորել աղյուսակը:
Նույնպիսի արդյունք ունեն գրոսմայստերներ Լու Շանգլին (Չինաստան), Գենադի Տունիկը (Ռուսաստան) և Ալեքսանդր Իպատովը (Թուրքիա), բայց նրանք հայ շախմատիստին զիջում են լրացուցիչ ցուցանիշներով:
Գրոսմայստերներ Վլադիմիր Հակոբյանը, Ավետիք Գրիգորյանը, միջազգային վարպետ Կարեն Գրիգորյանը առաջատարներից ետ են մնում կես միավորով:
