Սերգո Կարապետյան. Ապակյա տարաների պահանջարկը առաջնահերթ կերպով պետք է բավարարել12 հունիսի 2012 - 18:52 AMT PanARMENIAN.Net - ՀՀ գյուղատնտեսության նախարարի պաշտոնակատար Սերգո Կարապետյանն այսօր ընդունել է պտուղբանջարեղենային պահածոներ, ապակյա տարաներ և կափարիչներ արտադրող ընկերությունների ներկայացուցիչներին: Խորհրդակցության առիթը օրեր առաջ վերամշակող ճյուղի ներկայացուցիչների հետ հանդիպման ժամանակ առաջ քաշված խնդիրներն են` կապված ապակյա տարաներ արտադրող ընկերությունների կողմից արտադրության դադարեցմամբ: «Մթերման հիմնական գործընաթացը չի սկսվել: Եթե այսպես շարունակվի, կունենանք լուրջ խնդիրներ մթերման շղթայում: Հիմնական սեզոնը կսկսվի 10 - 15 օրից, իսկ պտուղբանջարեղենային պահածոների արտադրությամբ զբաղվող կազմակերպությունների գերակշիռ մասը տարաներ չունի», - մեկտեղելով ոլորտի ներկայացուցիչներին` նշել է Սերգո Կարապետյանը, նկատելով, որ անհրաժեշտ է շտապ միջոցներ ձեռնարկել առաջացած խնդիրը կարգավորելու համար: Նախարարի պաշտոնակատարի դիտարկմանն ի պատասխան, ապակյա տարաների արտադրությամբ զբաղվող «Գլաս ուորլդ քամփնի՚» ընկերության ներկայացուցիչն էլ հաստատել է այն, որ տեղական արտադրողի համար տարաներ չեն կարող արտադրել, իրենց արտադրանքը արտահանվում է Վրաստան` ապակյա տարաներ արտադրելով «Բորժոմի» - ի պատվերով: Սրանով պայմանավորված ոլորտում համեմատաբար խոշոր ընկերություն համարվող «Գլաս ուորլդ քամփնին» ներքին շուկայի պահանջարկը մինչև օգոստոսի սկիզբ չի կարող բավարարել: Խորհրդակցությանը մասնակցող մեկ այլ` «Սարանիստ՚»ՍՊԸ - ի ներկայացուցիչն էլ իրենց կողմից ապակյա տարաների արտադրանքի դադարեցումը հիմնավորել է ընկերության վերազինմամբ` նշելով, որ հաջորդ տարի միայն կկարողանան տալ արտադրանք: «Ինչպես գիտեք, գյուղատնտեսությունը հայտարարված է գերակա ոլորտ, և այս առումով այն հանրապետության նախագահի ամենօրյա ուշադրության կենտրոնում է: Յուրաքանչյուրս պետք է նպաստենք մթերման գործընթացի ժամանակին ու անկորուստ կազմակերպմանը, որով պայմանավորված է ոլորտի զարգացումը», - նշել է ՀՀ գյուղատնտեսության նախարարի պաշտոնակատար Սերգո Կարապետյանը` խորհրդակցության մասնակիցներին առաջարկելով մեկ - երկու օրվա ընթացքում ներկայացնել արտադրության վերսկսման և իրավիճակի կարգավորման համար ձեռնակվող քայլերի մասին տեղեկատվություն` ապակյա տարաների ներքին շուկայի պահանջարկը առաջնահերթ կերպով բավարարելու համար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |