Տիգրան Խզմալյանը տուգանվեց 53.000 դրամով
Վարչական դատարանն այսօր վճռեց Մաշտոցի պուրակի տաղավարների ապամոնտաժման բրիգադի անդամ, կինոռեժիսոր Տիգրան Խզմալյանին ենթարկել վարչական տուգանքի` 53 հազար դրամի չափով:
Վարչական դատարան հայցը ներկայացվել էր ոստիկանության կողմից` կրպակների ապամոնտաժման ժամանակ ոստիկանների հրամաններին չենթարկվելու մեղադրանքով:
Մաշտոցի պուրակի ապամոնտաժող բրիգադի անդամներ Մանվել Սարգսյանը և Կարեն Շիկոնյանը նույնպես օրեր առաջ վարչական դատարանի կողմից ենթարկվել են վարչական տուգանքի` 53 հազարական դրամի չափով:
