Բաքվում ՆԱՏՕ-ի զորավարժություններին հայ սպաների մասնակցությանը խոչընդոտելը ձեռնտու չէ Դաշինքի հետ Ադրբեջանի հետագա համագործակցության համար: Այդ մասին հայտարարել է Ադրբեջանում Թուրքիայի դեսպան Ահմեդ Ունալ Չեւիքոզը: «Ադրբեջանը մի շարք պարտավորություններ է ստանձնել ՆԱՏՕ-ի «Գործընկերություն հանուն խաղաղության» ծրագրի շրջանակներում, որոնցից մեկը Դաշինքի միջոցառումներին անդամ-պետությունների եւ գործընկերների ներկայացուցիչների մասնակցության համար պայմանների ստեղծումն է», - ասել է թուրք դիվանագետը: