Հայաստանի Զինված ուժերի հինգ հայ սպաներ Թբիլիսիում սպասում են Ադրբեջան մուտքի թույլտվության` մասնակցելու համար սեպտեմբերի 13-26-ը ՆԱՏՕ-ի Գործընկերություն հանուն խաղաղության ծրագրի շրջանակներում անցկացվող «Համատեղ լավագույն ջանք-2004» զորավարժություններին: Այդ մասին «Արմինֆո» գործակալությանն է հայտնել ՀՀ պաշտպանության նախարարի մամլո քարտուղար Սեյրան Շահսուվարյանը` նշելով, որ հայ սպաների Ադրբեջան մուտք գործելու խնդրով ներկայումս զբաղվում են ամերիկացիները: