Աֆրիկյաններ, ԱՕԿՍ, Փակ շուկա. Տեղի ունեցավ երթ` ի պաշտպանություն վտանգված հուշարձան-շենքերի14 հունիսի 2012 - 20:53 AMT PanARMENIAN.Net - Հունիսի 14-ին Աֆրիկյանների տան մոտից տեղի ունեցավ երթ` ի պաշտպանություն Երևանի վտանգված հուշարձան-շենքերի: Մոտ 50 ակտիվիստներ Աֆրիկյանների տան մոտից Երևանի վտանգված շենքերի մեծ լուսանկարներով քայլեցին դեպի «թիրախ» շենքերը: «Փրկենք հուշարձանները» նախաձեռնության անդամ Նարեկ Աշուղաթոյանը PanARMENIAN.Net ի թղթակցին ասաց, որ երթի համար «թիրախ» շենքեր են ընտրվել Աֆրիկյանների տունը, ԱՕԿՍ-ի շենքը և Փակ շուկան: Ակտիվիստները ճանապարհին բաժանում էին Աֆրիկյանների տան պատմության մասին պատմող տեղեկատվական թերթիկներ, իսկ շենքերին փակցնում «Պահպանվում է հասարակության կողմից» մակագրությամբ թերթիկներ: Երթի մասնակիցներն անցան Տերյան 11 հասցեում գտնվող Աֆրիկյանների տան, ԱՕԿՍ-ի, Արամի 30 հասցեում գտնվող շենքի, Հայաստանի Ազգային պատկերասրահի, Կառավարության շենքի, Փակ շուկայի շենքերի մոտով և, յուրաքանչյուրի մոտ կանգ առնելով, մի քանի րոպե իրենց բողոքն արտահայտեցին վտանգվող շենքերի քանդման դեմ: Երթին մասնակցում էր նաև ԱԺ նախկին պատգամավոր Լիլիթ Գալստյանը, ով PanARMENIAN.Net ի թղթակցին ասաց, որ շենքերի ոչնչացումը և' զգայական, և' իրավական, և' քաղաքական խնդիր է. «Պետք է հարգել սեփական երկրի կենսագրությունը, իսկ այդ կենսագրության կարևորագույն մասը մեր մշակութային ինքնությունն է, որի վավերագրերն այդ հուշարձաններն են: Ի վերջո, Երևանը բետոնե և ապակուց շենքերը չեն»: Վերջում երթի մասնակիցները կրկին վերադարձան դեպի Աֆրիկյանների տուն: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |