Սեյրան Օհանյանը այցելել է ՀՀ ՊՆ Կենտրոնական հավաքակայան14 հունիսի 2012 - 21:02 AMT PanARMENIAN.Net - ՀՀ պաշտպանության նախարար Սեյրան Օհանյանը ՀՀ ՊՆ ղեկավար կազմի և ԶՈՒ բարձրաստիճան սպայակազմի ներկայացուցիչների ուղեկցությամբ հունիսի 14-ին այցելել է ՀՀ ՊՆ Կենտրոնական հավաքակայան` 2012թ. գարնանային զորակոչի ընթացքին և իրականացվող աշխատանքներին տեղում ծանոթանալու նպատակով: Հավաքակայանում Սեյրան Օհանյանը ծանոթացել է զորակոչիկների բուժզննման գործընթացին, զրուցել է զորակոչիկների, նրանց ծնողների ու հարզատների հետ, պատասխանել է նրանց հուզող հարցերին: Օհանյանը նշել է, որ զինված ուժերի համալրումը ժամկետային զինծառայողներով կարևորագույն գործընթաց է ոչ միայն ՀՀ պաշտպանական գերատեսչության, այլև ամբողջ հանրապետության համար, ուստի զորակոչն ամենայն ուշիմությամբ վերահսկվում է` նախկինում ի հայտ բերված թերացումները չեզոքացնելու, զորակոչի գործընթացը պատշաճ մակարդակով կազմակերպելու, թափանցիկությունն ապահովելու, ինչպես նաև ֆիզիկապես և հոգեպես անառողջ երիտասարդների զորակոչը բացառելու համար: Կարևորելով արդարության և օրինականության մթնոլորտում զորակոչի կազմակերպման գործընթացը` պաշտպանության նախարարը հավելել է, որ իր կողմից խիստ հրահանգներ են տրվել զորակոչը հավուր պատշաճի անցկացնելու համար՝ հաշվի առնելով զորակոչվողների ֆիզիկական պատրաստվածությունը, մասնագիտական ու կրթական ունակությունները: “Զորակոչի անցկացման գործընթացում տարեցտարի մենք ունենում ենք շոշափելի արդյունքներ: Զորակոչի աշխատանքները որակապես բարելավվում են բոլոր ուղղություններով”,- ասել է Սեյրան Օհանյանը և հավելել, որ ՀՀ զինված ուժերի համալրման հետ կապված խնդիրներ չկան, ԶՈւ ստորաբաժանումների համալրում ժամկետային զինծառայողներով իրականացվում է ըստ պլանի: Պաշտպանության նախարարն ազգային բանակ զորակոչվող երիտասարդներին մաղթել է անվտանգ ծառայություն, իսկ նրանց ծնողներին` համբերատարություն և միաժամանակ հպարտություն` հայրենիքի պաշտպաններ դաստիարակելու համար: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |