Հունիսի 15-ին Տալի հուշամրցաշարի մասնակիցները հանգստանում են, իսկ հունիսի 16-ին տեղի կունենան 7-րդ տուրի պարտիաները:

6-րդ տուրի Լևոն Արոնյան-Մանգուս Կարլսեն պարտիան, որն ավարտվել է ոչ ոքի, պատմության մեջ մրցակիցների միջինի գումարային վարկանիշով ռեկորդային է: Կարլսենը 2835 միավորով ՖԻԴԵ-ի վարկանիշում զբաղեցնում է 1-ին հորիզոնականը, իսկ Արոնյանը 2825 միավորով` 2-րդ:

Մրցաշարային աղյուսակը գլխավորում է Ալեքսանդր Մորոզևիչը, ով ունի 4 միավոր, նույնքան միավոր ունի նաև Վլադիմիր Կրամնիկը, ով 2-րդ հորիզոնականում է: Եռյակը եզրափակում է Կարլսենը` 3.5 միավորով: Արոնյանը 2.5 միավորով 7-րդ հորիզոնականում է:

7-րդ տուրում հայ շախմատիստի մրցակիցն է լինելու Ալեքսանդր Գրիշչուկը, Թեյմուր Ռաջաբովը կխաղա Ֆաբիանո Կարունայի դեմ, Հիկարու Նակամուրան` Կարլսենի, Եբգենի Տոմաշևսկին` Մորոզևիչի, իսկ Լյուք Մաքշեյնը` Կրամնիկի: