  Ֆրանսիացի սենատորը մտադիր է պաշտպանել Հայոց ցեղասպանության զոհերի հիշատակը այդ պատմական փաստի ժխտումից 15 հունիսի 2012 - 20:27 AMT PanARMENIAN.Net - Ֆրանսիայում Հայաստանի դեսպան Վիգեն Չիթեչյանը հանդիպել է Ֆրանսիայի Սենատի ներկայացուցիչ, սոցիալիստ Ֆիլիպ Կալտենբախի հետ: Հանդիպմանը Կալտենբախը հաստատել է Հայոց ցեղասպանության զոհերի հիշատակը այդ պատմական փաստի ժխտումից պաշտպանելու իր մտադրությունը: Նա ընդգծել է, որ նորընտիր նախագահը նույնպես ժխտումն անընդունելի է համարում և մոտ ժամանակներս ցեղասպանությունների ժխտումը քրեականացնող համապատասխան օրինագիծ կմշակվի: «Մեր հանրապետության տարածքում ժխտում չպետք է լինի»,- ընդգծել է Կալտենբախը: Սենատորը հայտնել է նաև, որ ինքն ու իր գործընկերները այս տարվա նոյեմբերին հաճույքով կընդունեն իրենց պաշտոնակիցներին Հայաստան – Ֆրանսիա բարեկամության խմբից: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Ֆրանսիայի Սահմանադրական խորհուրդը փետրվարի 28-ի նիստում ոչ սահմանադրական է ճանաչել այդ օրինագիծը և իր որոշումը հիմնավորել է նրանով, որ օրենքը «հակասում է Ֆրանսիայի Սահմանադրության 33-րդ հոդվածին խոսքի ազատության մասին»: Նիկոլյա Սարկոզին նախընտրական քարոզարշավի ժամանակ խոստացել էր, որ իր ընտրվելու դեպքում օրինագծի նոր տեքստը կներկայացվի արդեն հունիսին: Ֆրանսիայի ներկայիս նախագահ Ֆրանսուա Օլլանդը նույնպես խոստացել է նպաստել օրինագծի ընդունմանը:
  Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
