  Նաիրա Զոհրաբյան. Ինչ-որ մեկը պետք է պատասխան տա 14,5 տոկոս տնտեսական անկման համար 20 հունիսի 2012 - 18:44 AMT PanARMENIAN.Net - Խորհրդարանում ներկայացված կառավարության ծրագրի վերաբերյալ իր ելույթում ԲՀԿ խմբակցության քարտուղար Նաիրա Զոհրաբյանը խիստ քննադատության ենթարկեց կառավարությանն ու դրա ղեկավարին: Զոհրաբյանի ելույթը պարզապես իրարանցում էր առաջացրել խորհրդարանական մեծամասնության շրջանում: Զոհրաբյանի խոսքով` կառավարությունը խոստացել էր աղքատության տոկոսի նվազում, մինչդեռ 35,8 տոկոս աղքատություն ունենք: Նրա կարծիքով` արտագաղթը հասել է անհանգստացնող չափերի` օրական միջինը գրեթե 1 գյուղի բնակչության չափով մարդիկ են արտագաղթում: «Կառավարությունը, որի քաղաքականությունը փաստորեն մնալու է նույնը, ձախողել է նախկին ծրագիրը: Հիմա այդ կառավարությունն այսօր գրեթե նույն կազմով, նույն վարչապետի գլխավորությամբ, նույն ծրագրով ու գաղափարախոսությամբ ակնկալում է վստահության քվե: Ես մեծ վերապահումներով եմ նոր կառավարություն և նոր ծրագիր բառերն օգտագործում»,- ասաց նա: Զոհրաբյանի կարծիքով` ծրագրի առանցքում բացակայում են մեխանիզմները: «Ինչպես կարելի է ձախողել նախկին ծրագիրը և այսօր խրոխտ կեցվածքով գալ կանգնել և կրկին վստահության քվե ակնկալել: Ինձ համար սա տնտեսագիտական նոր խոսք է, նոր գյուտ»,- նշեց Զոհրաբյանը` հավելելով, որ ֆինանսական ճգնաժամը դարձավ «փրկօղակ, որի վրա կարելի է բարդել ձախողումները»: Զոհրաբյանի համոզմամբ` ինչ-որ մեկը պետք է պատասխան տա 14,5 տոկոս տնտեսական անկման համար: «Թե՞ կարելի է ոչնչի համար պատասխան չտալ, խրոխտ կերպով գալ, կանգնել ու ակնկալել վստահության քվե: Լրջագույն առաջընթացի համար անհրաժեշտ են լրջագույն փոփոխություններ»,- ասաց նա: Նաիրա Զոհրաբյանը նաև տեղեկացրերց, որ կառավարության այս ծրագրին ԲՀԿ-ն միաձայն դեմ կքվեարկի:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Ոսկեպարցի. Երբ «Արևմտյան Ադրբեջան» հասկացությունը մեջտեղից հանեն՝ կմտածենք, որ իրոք խաղաղության համար են սա անում  «Աշխարհում կա՞ մի երկիր, որտեղ շահեկան դիրքերը հանձնում են թշնամուն, թե գուցե խաղաղություն լինի, գուցե ոչ»,–ասել է նաԿիրանցեցիները գիշերել են ճանապարհին, ոստիկաններն անցակետ են տեղադրել Սարիգյուղ-Բերքաբեր գյուղերի խաչմերուկում Նրանք նշել են, որ 25 հա ականապատ հողերը միշտ են եղել հայկական վերահսկողության տակՀատուկ սակագներով SWIFT փոխանցումներ․ Ֆասթ Բանկում նոր ակցիա է սկսվել Ակցիայից օգտվելու համար անհրաժեշտ է Բանկում կատարել 500,000 և ավելի դրամին համարժեք արտարժույթի փոխարկումԲագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը |
