Հոլանդիայի դատարանը Apple-ին պարտադրել է հատուցում վճարել իր մրցակցին` Samsung Elextronics կորպորացիային: Այդ մասին հաղորդում է BBC ռուսական ծառայությունը:
Համաձայն դատարանի վճռի` Apple-ը խախտել է հեռախոսներն ու պլանշետները ինտերնետին միացնելու` Samsung-ին պատկանող պատենտը:
Սա վերջին օրերին աշխարհի ամենաթանկ ընկերության պարտության առաջին դեպքը չէ. Ավստրալիայում կայացած դատավարության ժամանակ Apple-ին տուգանել են 2,3 մլն դոլարով iPad 4G-ի հնարավորությունների անհիմն չափազանցման համար:
Հոլանդիայի դատարանը չի ճշտել տուգանքի չափը, քանի որ այն կախված կլինի այդ երկրում iPhone-ի և iPad-ի վաճառքի ծավալներից: