Փոխվարչապետը KfW բանկի պատվիրակության հետ քննարկել է խոշոր ջրամբարի վերականգնումը ֆինանսավորելու հարցը21 հունիսի 2012 - 20:28 AMT PanARMENIAN.Net - Հայաստանի փոխվարչապետ, տարածքային կառավարման նախարար Արմեն Գևորգյանն այսօր ընդունեց Գերմանական զարգացման բանկի (KfW) պատվիրակությանը` Հայաստանում Գերմանիայի արտակարգ և լիազոր դեսպան Հանս- Յոհան Շմիդտի գլխավորությամբ: Ինչպես հաղորդում է Հայաստանի տարածքային կառավարման նախարարության հասարակայնության հետ կապերի բաժինը, հանդիպմանը մասնակցում էին KfW բանկի տարածաշրջանային տնօրեն Ֆիլիպ Գրաֆ ֆոն Շվերը, ՀՀ ՏԿՆ ջրային տնտեսության պետական կոմիտեի նախագահ Անդրանիկ Անդրեասյանը: Քննարկվեցին KfW բանկի ֆինանսավորմամբ Հայաստանում իրականացվող ծրագրերը: Մասնավորապես, դեսպան Հանս- Յոհան Շմիդտը նշեց, որ Հայաստանում իր դիվանագիտական առաքելության ավարտին ուրախ է այն վստահության համար, որ ծրագրերը, որոնք իրականացվում են Գերմանիա-Հայաստան ֆինանսական համագործակցության շրջանակում, կշարունակվեն: Նա շնորհակալություն հայտնեց Հայաստանում իր դիվանագիտական գործունեության ընթացքում ցուցաբերված աջակցության համար: Փոխվարչապետը նշեց, որ ՀՀ կառավարությունը կարևորում է Գերմանիայի հետ հարաբերությունները և երկկողմ, և Եվրամիության հետ համագործակցության շրջանակում` ավելացնելով, որ կառավարության հաջողությունները նաև պայմանավորված են նման արդյունավետ գործակցությամբ: Ա. Գևորգյանը նշեց, որ Գերմանիան Հայաստանի կառավարության կարևոր գործընկերներից մեկն է` պայմանավորված իրականացվող ծրագրերի բազմակողմանիությամբ և դրանք ընդլայնելու առկա հնարավորություններով: Նա կարևորեց մարզերում իրականացվող ջրամատակարարման և ջրահեռացման համակարգերի վերականգնման վարկային ծրագրով իրականացվող աշխատանքները, հույս հայտնելով, որ դրանք կդառնան կառավարության ծրագրի այս տարվա տնտեսական աճի խթանիչներից մեկը: Փոխվարչապետն ընդգծեց, որ ՀՀ կառավարության համար առաջնահերթություն է մնում մեծ տարողունակությամբ ջրամբարի կառուցման հարցը և կարևորեց Կապսի ջրամբարի վերակառուցումը` բարձրացնելով KfW- ի ֆինանսավորմամբ այն իրականացնելու հնարավորությունը: Զրուցակիցները քննարկեցին հայ-գերմանական համագործակցությանը վերաբերող այլ հարցեր:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Մոլդովան առաջին երկիրն է, որն անվտանգության և պաշտպանության համաձայնագիր է ստորագրել ԵՄ-ի հետ Բորելն ընդգծել է, որ ԵՄ–ն կշարունակի սատարել Մոլդովային ԵՄ–ին անդամակցելու ճանապարհին Հայտնի են «Ոզնի» մրցաշարի հաղթող թիմերը Evocabank-ի մասնակցությամբ կայացել է պատվոգրերի և նվերների հանձնման արարողությունը: Սերժ Սարգսյան․ Վերադառնալու ցանկություն չունենք՝ կսատարենք Բագրատ սրբազանի առաջարկած վարչապետի թեկնածուին Նա հայտարարել է, որ իրենք ամբողջովին սատարում են այս շարժմանը Հնագիտական հուշարձանների տարածքում, այդ թվում՝ Կարմիր բլուրում, պեղումների թույլտվություններ են տրվել Խոսքը 32 հուշարձանի մասին է |