ԱԳ նախարարի տեղակալ Ռուբեն Շուգարյանն այսօր ընդունել է Իրաքի ԱԳ նախարարի խորհրդական Տարիկ Մուհամմադ Յահյային, տեղեկացրել է ՀՀ ԱԳՆ մամուլի ծառայությունը: Հանդիպման ընթացքում կողմերն ընդգծվել է, որ Հայաստանն իրաքյան ճգնաժամի հարցում մշտապես դրսեւորել է հավասարակշռված դիրքորոշում եւ հանդես է եկել խնդրի խաղաղ եւ շուտափույթ կարգավորման օգտին` շեշտը դնելով ետկոնֆլիկտային շրջանում մարդասիրական գործողությունների եւ ծրագրերի վրա: Հանդիպմանը ներկա գտնվող իրաքյան «Նովրուզ Գրուփ» հոլդինգի տնօրեն Մուստաֆա Ջաֆ պատրաստակամություն հայտնեց Հայաստանի հետ առեւտրատնտեսական հարաբերությունները զարգացնելու, մասնավորապես, հայ-իրաքյան համատեղ ձեռնարկություն եւ բանկ հիմնելու, ինչպես նաեւ հայկական արտադրատեսակներն Իրաք արտահանելու ուղղությամբ: Իրաքյան կողմը կարեւորեց նաեւ Երեւան-Բաղդադ -Երեւան ուղիղ ավիաչվերթների կազմակերպման հնարավորությունը: