Ալեքսեյ Կուդրինը վստահ է՝ Հունաստանի պարտքերի խնդիրը չի լուծվի, և երկիրը դուրս կգա եվրագոտուց

24 հունիսի 2012 - 17:58 AMT

PanARMENIAN.Net - Լիամասշտաբ ճգնաժամի արդյունքում, որի շեմին կանգնած է աշխարհը, եվրոն կարող է դադարեցնել իր գոյությունը՝ որպես միասնական եվրոպական տարադրամ, գտնում է ՌԴ ֆինանսների նախկին նախարար Ալեքսեյ Կուդրինը: «Եվրոն մեծ խնդիրներ է ունենալու: Ըստ էության, ծառանալու է եվրոյի պահպանման հարցը: Այդ սցենարը ոչ թե պարզապես կարող է լինել, այլ ինձ՝ որպես տնտեսագետի համար այն, ըստ ամենայնի, հիմնականն է»,- հայտնել է նա «Դոժդ» հեռուստաալիքին տված հարցազրույցում:

Ինչ վերաբերում է Հունաստանի պարտքերի խնդրին, ապա այն, ըստ Կուդրինի, չի լուծվի: «Հունաստանի ելքը եվրագոտուց ինձ համար գրեթե անխուսափելի է… Դա տեղի կունենա կես կամ մեկ տարվա ընթացքում, միգուցե և ավելի շուտ»,- նշել է նա՝ հավելելով, որ Հունաստանի ելքից հետո տնտեսության մեջ ռիսկերը կավելանան, իսկ Իսպանիայի խնդիրները կխորանան:

Կուդրինը հիշեցրել է, որ ԵՄ-ն ավելի վաղ հայտնել էր մինչև տարեվերջ ճգնաժամին հակազդելու ծրագիր մշակելու մտադրության մասին: «Դա ուշ է: Այն պետք է մշակված լիներ դեռևս կես տարի առաջ: Սա պարզապես անթույլատրելի իրադրություն է նման մասշտաբի ճգնաժամի և բոլոր երկրների ու քաղաքացիների համար հետևանքների պարագայում»,- ընդգծել է Կուդրինը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով