Մեծ Բրիտանիայի իշխանությունները հինգշաբթի օրը WikiLeaks կայքի հիմնադիր Ջուլիան Ասանժին, որը ապաստան է գտել Լոնդոնում Էկվադորի դեսպանատան շենքում, փոխանցել են ուրբաթ օրը ոստիկանություն ներկայանալու պահանջով նամակը, հաղորդում է ՌԻԱ Նովոստին` հղում տալով Daily Mail-ին:
Այն մասին, թե ինչ միջոցներ են ձեռնարկվելու Ավստրալիայի 40-ամյա քաղաքացու չներկայանալու դեպքում, չի հաղորդվում:
Հինգշաբթի օրը` հունիսի 28-ին, սպառվել է երկշաբաթյա ժամկետը, որի ընթացքում Ասանժն իրավունք ուներ Մարդու իրավունքների եվրոպական դատարանում բողոքարկելու բրիտանական Գերագույն դատարանի վճիռը նրան Շվեդիային հանձնելու վերաբերյալ: Քանի որ Ասանժը չի օգտվել այդ հնարավորությունից, բրիտանական իշխանություններն իրավունք ունեն նրան Շվեդիա ուղարկել 10 օրվա ընթացքում` սկսած հունիսի 28-ից:
