Հզոր պայթուցիկ սարք է գործարկվել Պակիստանի հյուսիս-արևմուտքում, ինչի արդյունքում զոհվել է երկրի ԶՈՒ յոթ զինծառայող, ևս չորսը վիրավոր են, հաղորդում է ՌԻԱ Նովոստին:
Տեղական լրատվամիջոցները նշում են, որ ահաբեկչության հետևում կարող են կանգնած լինել «Թեհրիքէ թալիբանէ Պակիստան» (Պակիստանի թալիբների շարժում) խմբավորման մարտիկները:
Հայբեր բնակավայրը, որտեղ տեղի է ունեցել ահաբեկչությունը, մտնում է Պակիստանի Ցեղերի գոտու մեջ, որտեղ չեն գործում դաշնային օրենքները, և որի վրա չի տարածվում ոստիկանության ազդեցությունը: