Ֆրանսիայի արտգործնախարար Լորան Ֆաբիուսը ուրբաթ օրը հանդիպում կունենա ընդդիմաադիր Սիրիական ազգային խորհրդի առաջնորդ Աբդելբասիտ Սեյդայի հետ, հաղորդում է Ինտերֆաքսը` հղում տալով Ֆրանսիայի լրատվամիջոցներին:
Այդ բանակցությունները տեղի կունենան Սիրիայի վերաբերյալ միջազգային խորհրդաժողովից առաջ, որը կկայանա շաբաթ օրը Ժնևում ՄԱԿ-ի և ԱՊԼ-ի հատուկ դեսպանորդ Քոֆի Աննանի նախաձեռնությամբ: