Բրյուսելում գագաթաժողովի հավաքված եվրոպական երկրների ղեկավարները պայմանավորվել են Եվրոպական կենտրոնական բանկի հիման վրա բանկերի հսկողության միասնական համակարգ ստեղծել, որոնք անհրաժեշտության դեպքում հնարավոր կլինի կապիտալիզացնել անմիջապես եվրոպական հակաճգնաժամային հիմնադրամներից:

Ըստ «Ինտերֆաքսի», ԵԽ նախագահ Հերման վան Ռոմպեյը հայտարարել է, որ դա թույլ կտա դուրս գալ այն արատավոր շրջանակից բանկերի ու կառավարությունների միջև, երբ մեկի խնդիրները խորացնում են մյուսի խնդիրները:

Այս հաղորդագրությունից հետո եվրոյի փոխարժեքն աճեց՝ հասնելով 1,26 մեկ դոլարի դիմաց, հայտնում է MarketWatch-ը: