Հունիս ամսվա ընթացքում ՀՀ ոստիկանություն անչափահասների կողմից մարմնական վնասվածքների պատճառման 17 ամփոփագիր է ստացվել, որոնց մեծ մասը տեղի է ունեցել հասարակական վայրերում, 6-ի դեպքում երեխաների մոտ հայտնաբերվել է սառը կտրող գործիք:
Այս մասին այսօր լրագրողների հետ հանդիպմանն ասաց ՀՀ Ոստիկանության քրեական հետախուզության գլխավոր վարչության 3-րդ վարչության պետի տեղակալ, անչափահասների գործերով բաժնի պետ, ոստիկանության գնդապետ Նելլի Դուրյանը:
Նա անչափահասների կողմից իրականացվող հանցագործությունները պայմանավորում է նրանց զբաղվածության հարցերի անլուծելիությամբ. «Պետք է շեշտը դնել ծնողների ուշադրության վրա, անչափահասներին իրավախախտումներից զերծ պահելու հիմնական միջոցը զբաղվածության խնդիրը լուծելն է»:
Նելլի Դուրյանի կարծիքով սխալ է անչափահասների հանցագործությունների դեպքում շեշտը նրանց սոցիալական վիճակի վրա դնել:
Ոստիկանության գնդապետը նշեց նաև, որ անցյալ տարվա առաջին հնգամսյակի համեմատությամբ կտրուկ նվազել է հանցագործությունների առավելապես ծանր ու միջին ծարնության հանցագործությունների դեպքերը:
