Այսօր Եվրոպայի խորհրդի Գլխավոր քարտուղարի տեղակալ Մոդ դը Բոեր Բուքիքիոն հանդես կգա Երեւանում ընթացող «Աջակցել կանանց առաջընթացին. Ազգային ծրագիրը գործողության մեջ» խորհրդաժողովին, որը կազմակերպվել է կանանց վիճակի բարելավման եւ հասարակության մեջ նրանց դերի բարձրացման ազգային ծրագրի մեկնարկի կապակցությամբ: Ինչպես հաղորդել է ՀՀ-ում Եվրոպայի խորհրդի տեղեկատվական գրասենյակը, խորհրդաժողովի նպատակն է խթանել այդ ծրագրի իրականացման գործընթացը, ինչպես նաեւ երկխոսություն հաստատել պետական պաշտոնյաների, հասարակական կազմակերպությունների ներկայացուցիչների եւ հրավիրված փորձագետների միջեւ:Նշենք, որ Մ.դը Բուքիքիոն հանդիպումներ կունենա նաեւ կառավարությունում եւ խորհրդարանում: