Շահան Քանդահարյան. Ֆրանսիայի նախագահը և ԱԳ նախարարն առաջնորդվում են սեփական երկրի շահով10 հուլիսի 2012 - 11:46 AMT PanARMENIAN.Net - Քաղաքական պահի գերակշիռ նժարով պետք է դիտարկել Ֆրանսիայի արտգործնախարարի և նախագահի իրար հակասող հայատարարությունները և հերթական անգամ չընկնել հիասթափության և գոհունակության ալիքների տակ։ Այս մասին PanARMENIAN.Net –ին է հայտարարել Բեյրութում հրատարակվող «Ազդակ»-ի գլխավոր խմբագիր Շահան Քանդահարյանը: Նա նշում է, որ տվյալները համոզում են, որ հարցի արծարծումը վերստին օրակարգի վերածելու որոշումը հիմնովին կապված է Փարիզ-Անկարա հարաբերությունների կամ Էլիզե-ֆրանսահայ համայնք ընտրական որևէ հանգրվանի ստեղծված ակնկալության հետ: «Հայկական կողմը Ֆաբիուսին դեմ բողոքելե և Օլանդի հայտարարության նկատմամբ գոհունակություն հայտնելուց առաջ նախ պետք է հարց տա, թե այս հարցին ուղղությամբ նախագահ-արտգործնախարարություն երևցած հակասությունը ինչպե՞ս է բացատրում պաշտոնական Փարիզը: Եթե քաղաքականորեն բովանդակազրկենք խնդիրը, Ֆաբիուսի ասածը պարզապես հարցական ստեղծելն է իր նախագահի հանձնառությունների նկատամբ։ Ավելիով համոզվում ենք, որ թե՛ Ֆաբիուսի հայտարարությունը և թե՛ Օլանդի «հերքում»-ը բխում են Փարիզի պետական քաղաքականութեան շահերից։ Չմոռնանք, որ «Սիրիայի բարեկամներ»-ի ժողովի առիթով էր Դավութօղլու-ֆաբիուս հանդիպումը և «բարեկամներ»-ը շրջանային հարցեր լուծելուց առաջ պատժամիջոցային հարաբերությունները պետք է վերականգնեին, թեկուզ հայտարարողական մակարդակի վրա»,-ասել է Քանդահարյանը: «Մեկ կետ ևս. ժխտողականության վերաբերող օրենքները Ֆրանսիայի ներքին կյանքին է վերաբերում։ Այդ օրենքների սահմանադրականության, տեսանելի կամ անհավանական լինելու մասին ավելի պատշաճ է, որ զբաղվեն ներքին գործոց կամ արդարադատության նախարարները: Նախագահ Օլանդը երկու դիտողություն ուներ անելիք իր նախարարին: Նախ, որ զբաղվի իր ոլորտին վերաբերող հարցերով միայն և երկրորդ, կասկածի տակ չառնի իր հանձնառությունները։ Բայց սա արդեն ֆրանսիական ներպետական խնդիր է. իսկ ակնկալվող դիտողությունները դժվար տեսանելի են»,-հայտարարել է «Ազդակ»ի գլխավոր խմբագիրը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |