Ղարաբաղյան հակամարտությունը Հարավային Կովկաի տարածաշրջանային ու տնտեսական անվտանգության հիմնական սպառնալիքն է: Ինչպես հայտնում է Aze.az-ը, Բաքվում այդ մասին հայտարարել է ԵԱՀԿ գլխավոր քարտուղար Լամբերտո Զանիերը:
«Հակամարտության կարգավորման միակ ճանապարհը բանակցություններն են, իսկ քաղաքական կամքն ու հավատարմությունը բանակցություններին նախադրյալներ են լուծման որոնման համար»,-հայտարարել է Զանիերը Ադրբեջանի ԱԳՆ-ում հանդիպումից հետո:
Զանիերը նաև աջակցություն է հայտնել ՄԽ գործունեությանը, որոնք ուղղված են կարգավորման ուղիների որոնմանն ու երկու երկրների միջև հրադադարի պահպանմանը:
Զանիերն ասել է նաև, որ ինքը խորապես մտահոգված է Հայաստանի ու Ադրբեջանի սահմանին տեղի ունեցած վերջին միջադեպերով, որոնք թուլացնում են երկար սպասված խաղաղությանն ուղղված ջանքերը:
Թբիլիսի և Բաթում այցելությունից հետո Զանիերը հինգշաբթի կժամանի Երևան:
