«Ժողովուրդ». Պետական հիմնարկներում աշխատավարձ չեն վճարում` բյուջեում փող չլինելու պատճառով
«Ժողովուրդ» թերթը գրում է, որ իր լավատեղյակ աղբյուրների հաղորդմամբ, արդեն երկու ամիս է ` բյուջետային մի շարք հիմնարկություններում չեն վճարել աշխատակիցների մի մասի աշխատավարձը։
«Իսկ պատճառաբանությունը եղել է հետևյալը. Բյուջեում փող չկա, առաջիկայում կլինի, կփոխանցենք։ Ընդ որում, նման իրավիճակ է անգամ նախարարություններում ու դրանց կից հիմնարկություններում։ Համենայն դեպս, «Ժողովուրդ» օրաթերթը երեկ նման ահազանգեր է ստացել ՀՀ առողջապահության նախարարության ենթակայության տակ գտնվող հիմնարկություններց մեկից։
Ենթադրվում է, որ բյուջեի գումարները ժամանակի ուղղվել է մայիսի 6–ի ընտրակաշառքի ֆոնդին, և իշխանություններին դեռևս չի հաջողվում վերականգնել այն»,–գրում է թերթը։
