Ոստիկանության Չարբախի բաժանմունքի ծառայողները երեկ` հուլիսի 11–ին, Աէրացիա թաղամասի թիվ 7 հանրակացարանի կիսաքանդ սենյակներից մեկում հայտնաբերել են 20 մլ տարողությամբ 2 ներարկիչ. 1-ը` 10 մլ շագանակագույն հեղուկով, մյուսը` շագանակագույն կարծր նյութով, ապակե սրվակ` պատերին շագանակագույն չորացած նյութի հետքերով, տարա՝ սպիտակ գույնի չորացած նյութի պարունակությամբ և 0.5 լ տարողությամբ տարա՝ բենզինի հոտով նյութի պարունակությամբ: Ոստիկանության լրատվական ծառայության հաղորդմամբ, զննությանը մասնակցած տղամարդը հայտարարել է, որ հայտնաբերվածն իրենն է, որը պատրաստել է թմրամիջոց՝ ներարկվելու համար: Հայտնաբերվածն ուղարկվել է փորձաքննության: Կատարվում է հետաքննություն: