«Ոսկե ծիրան» կինոփառատոնին մասնակցում է համշենահայ ռեժիսոր Օզջան Ալփերի ֆիլմը12 հուլիսի 2012 - 14:33 AMT PanARMENIAN.Net - Համշենահայ ռեժիսոր Օզջան Ալփերի «Ապագան ձգվում է հավերժ» ֆիլմը հասարակական հիշողության մասին է: «Իմ նկարահանած ֆիլմերն արծարծում են քաղաքական լուրջ խնդիրներ, սակայն ես ընդհանրապես չեմ ցանկանում դրանք վերածել ագիտացիայի, այլ ուզում եմ վերածել արվեստի: Թուրքիայում, «սենյակներից» մեկում եթե կա խնդիր, այն քննարկելու փոխարեն կողպում են դուռը»,-մամլո ասուլիսի ժամանակ ասաց Ալփերը: Ֆիլմի հերոսը` Սումրուն, իր մագիստրոսական թեզն է պաշտպանում անատոլիական եղերերգերի և դրանց պատմության ժողովածու կազմելու մասին և մի քանի ամսով ուղևորվում է երկրի հարավ-արևմտյան հատված: Դիարբեքիրում գտնվելու ժամանակ ընթացող «անանուն պատերազմի» մեջ նա բախվում է սեփական անցյալի մղձավանջին: Ռեժիսորի ներկայացմաբ ֆիլմում խոսվում է քրդերի մասին, սակայն այստեղ Թուրքիայի հարյուրամյակի խնդիրներն են պատկերված: Ֆիլմում հասարակական խնդիրներն են առաջ քաշվել, և գլխավոր հերոսը կին է: Նրա խոսքով, կանայք ավելի շատ են պաքարում: «Ըստ էության, Թուրքիայում երբ այլ լեզուներն արգելված էին, կանայք էին փոխանցում ազգի հիշողությունները և թաքուն լեզու սովորեցնում: Տղամարդիկ են կռվում, բայց ազդեցությունը զգում են կանայք և երեխաները»,-նշեց ռեժիսորը: Նա նաև գտնում է, որ վերը նշված «սենյակների» դռները փակ պահել չի լինում, և Թուրքիայում սկսել են խոսել այդ խնդիրների մասին: Ըստ նրա, նա 15 տարի առաջ ֆիլմը չէի կարող նկարահանել, հիմա ավելի ազատ է: Ֆիլմը Թուրքիայում շատ չի ցուցադրվում, և հաճախ արձագանք էլ չի կարող ստացվել: Օզջան Ալփերի ֆիլմերից մեկը օրինակ 150.000 օրինակով է վաճառել, ոչ օրինական՝ «պիրատական» 450. 000 սկավառակ: «Այս թիվն ինձ համարձակություն տվեց, և ես ավելի խիզախ եմ աշխատել այս ֆիլմի վրա»,-հավելեց նա: Ֆիլմը ներկայացված է «Ոսկե ծիրան» կինոփառատոնի մրցութային ծրագրում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |