ԱՄՆ կառավարությունը քննում է HSBC բանկի պաշտոնյաների մեղսակցության հարցը մեքսիկական թմրանյոթերի տարածմամբ զբաղվող մաֆիայի փողերի լվացմանը: Ինչպես հայտնում է ամերիկյան The Wall Street Journal-ը, խոսքը գնում է Մեքսիկայում աշխատող բանկի բաժանմունքի մասին, քննությունը վարում է ԱՄՆ արդարադատության նախարարությունը:
Բանկի աշխատակիցներին կասկածում են այն բանում, որ նրանք թաքցրել են կանխիկ մեծ գումարների շարժը ԱՄՆ ու Մեքսիկայի միջև:
Ըսն որում, բանկի ղեկավարությունը աջակցում է քննությանը: HSBC-ին արդեն խոստովանել է իր սխալները ու թերությունները բանկային գործողությունների վերահսկողության համակարգում:
Մինչդեռ ԱՄՆ կառավարությունն արդեն իսկ զգուշացրել էր ֆինանսական հաստատություններին Մեքսիկայից ստացվող կանխիկ մեծ գումարների մանրակրկիտ ստուգման անհրաժեշտության մասին: