«Ժողովուրդ» թերթը գրում է, որ ՀՀ սպորտի և երիտասարդության նախարարությունն ամփոփել է առցանց դրամաշնորհային համակարգի այս տարվա երրորդ եռամսյակի արդյունքները և հաղթող կազմակերպությունները պետբյուջեյից դրամաշնորհ կստանան: Առցանց համակարգի նորամուծության գաղափարի հեղինակը փոխնախարար Արսեն Քարամյանինն է: Ուշագրավ է, որ մերժվածների թվում է նաև մյուս փոխնախարար Խաչիկ Ասրյանի առաջարկած ծրագիրը: Ըստ թերթի, Քարամյանը փորձել է ապացուցել, որ իր մոտ «ծանոթ-մանոթ» չի անցնում:

Ըստ «Ժողովուրդ» թերթի, այդ փաստը խիստ զայրացրել է Ասրյանին, և հնարավոր է, որ առաջիկայում որոշ ՀԿ-ներ բաց նամակով դիմեն ՀՀ վերչապետին` մանրամասն ներկայացնելով, թե ինչ է կատարվում առցանց համակարգում: